เพลง : สงกรานต์บ้านเฮา
ศิลปิน : ประดิษฐ์ ฟังอารมณ์

สงกรานต์แหมแล้ว
ปิ๊กบ้านเตอะลูกเหย
คิดถึงจังเลย คิดถึงลูกเต้า

ปี๋เก่าล่วงแล้ว
ปี๋ใหม่แก้วมาเถิง
เป๋นหยังมาเปิง
สงกรานต์เดือนห้า
ป่อแม่สองคน สู้ทนรอถ้า
ไค่หันลูกหล้า
ปิ๊กมาจากโองงาน

ปี๋ใหม่บ้านเฮาสนุกสนาน
ร่าเริงสำราญ
ใส่เสื้อดำหม้อฮ้อม
ธูปเทียนน้ำหอม
ไปจัดแจ๋งแต่งไว้

มีนาเลยเลือน
ย่างเข้าเดือนเมษา
แต่เริ่มเดิมมา
สังขานล่องใต้
เสียงพลุเริ่ม ดังได้ฟังจ๋ำได้
เป๋นเสียงเตือนไว้
คือปี๋ใหม่บ้านเฮา

สงกรานต์ม่วนล้ำ
จ๋ำได้บ่เหงา
มาถึงวันเน่า
ก่อขนทรายบ่อั้น
เฮามาจ่วยกั๋น
ประเพณีเฮาแต้เล่า

แห่นางสงกรานต์
ใจ๋จื่นบานแต้หนา
นางเหลียวแลมา
งามแต้หนอน้องเจ้า
อ้ายผ่อหน้ามน
บ่สนน้ำเหล้า
ตึงหนุ่มตึงเถ้า
ก่อฟ้อนเป๋นขบวน

ตี่มาหันแล้ว
บ่อแคล้วคืนหวน
เหมือนมีมนต์จวน
ผูกมัดใจ๋ตัวอ้าย
บ่อมีเสื่อมคลาย
หันภาพพจน์งามทั่นไท้

คำปอนบ่อแม่
จ่วยแผ่ดีหลี
เป๋นปอนตี่ดี
เฮายกมือไหว้
บ่อว่าอยู่จาง
ถวายเข้าใกล้ ขอปอนตั่นไท้
ในวันวันพญาวัน

ได้ปอนหนนี้ อยู่ดีสุขสันต์
บ่อดีลืมวัน ตี่ได้มาพร้อมหน้า
บ้านเฮานี้หนา
เมื่อได้มาก่อตึงฮู้

มาแอ่วบ้านเฮา
ได้กิ๋นเหล้าน้ำขาว
ขึ้นแอ่วบ้านอาว
ต๋างมาแอ่วอู้
ปี่น้องหญิงจาย
ตายายยิ้มสู้
เปิ่นมานั่งอู้
นั่งอยู่ถ้ารอเฮา

ได้หันปี่น้อง ดีใจ๋บ่อเหงา
ปิ๋ใหม่บ้านเฮา
ก่อตึงม่วนเสี้ยงทาน
มาม่วนจ๋าหวาน
เหมือนกั๋นทุกคนปี่น้อง

สงกรานต์เมื่อใด
ก่อจื่นใจ๋แต้หนา
หันน้องเดินมา
จ๋ำปาแต่งย่อง
เสียดายคนงาม
อ้ายต๋ามแลจ้อง
สงกรานต์ป้นน้อง
คงไปอยู่เมืองกรุง

ล่องใต้ไปแล้ว
ฮื้อตวยเปื่อนฝูง
อย่าไปหลงกรุง
จ๋นลืมปิ๊กมาบ้าน
มาม่วนจ๋าหวาน
กับคนบ้านเฮาเน้อน้อง