เพลง : ชะต๋าวันเกิด
ศิลปิน : แสดงสด วงมรกต

ฟังเน้อฟังนาจะเปิดตำฮาทายวันกำเนิด
ไผอยากฮู้ชะตาวันเกิดปี้หนานจะเปิด
ตำฮากลอน ติทย์จันทร์อังคาร ปุ้ดพัด
ศุกร์เสาร์ตกตั้ด ตามหลัก ก.ข.
ฟังเต๊อะฟังเน้อฟังนอมาฟังปี้หนานจะกล่าว..
..ดนตรี...
คนเกิดวันอาทิตย์พระพรมลิขิตเกิดราศรีเอก
เป๋นคนใจ๋ซื่อเกกมะเรกดีเด่นตามเลขดวงดาว
วาสนาหน้าบุญเลิศล้ำ บ่ว่าคุณหนุ่มคุณสาว
เกิดวันนี้อายุยืนยาว ตามดวงดาว
ท่านจะได้เป๋นใหญ่..
..ดนตรี...
คนเกิดวันจันทร์เป๋นคนขยัน
หมั่นเพียรเขียนขีด
นิสัยเยือกเย็นปราณีต
วาสนาแจ่มใส
มหาเสน่ห์มีนักไผหันก็ฮักหุมใจ๋
ดวงชีวิตแสนศิวิไล
เป๋นเจ้าเป๋นนาย
สบายเหลือเปิ้น..
..ดนตรี...
คนเกิดวันอังคารอารมณ์
ต้องการร้อนแรงทางเพศ
ดวงชีวิตค่อนข้างวิเศษ
ท่านดวงขึ้นทางเงิน
แต่เข้าตำฮาก้าขึ้นจ่ายคล่อง
มากเพื่อนพ้องพรรคพวกสรรเสริญ
วาสนาหยุดๆเดินๆ
ถ้าบ่มีเงินมันตึงบ่เป๋นท่า..
..ดนตรี...
คนเกิดวันพุธดาวอุปคุต มีโชคมีลาภ
บ่ต้องได้หามได้หาบลาภยศไหลมาเทมา
แต่ดวงท่าน อาภัพชีวิตขาดคู่เสน่หา
เป๋นป้อจายจะได้เป๋นครูบา
ถ้าเป๋นสีกาจะเป๋นสาวแก่..
..ดนตรี...
คนเกิดวันพฤหัสดวงดาวมีนักเทวีนำโชค
ท่านเกิดวันถูกโฉลก ต๊กดาวเทพ ดูแล
เกิดวันนี้บ่ต้องกลั๋วจ๋นวาสนาบ่แหว
นับแต่เป๋นละอ่อนน้อยนอนแบ
จ๋นเป๋นคนแก่หัวหงอก..
..ดนตรี...
คนเกิดวันศุกร์ยามน้อยเป๋นตุ๊ก
อดย่อง อดอยาก
นิสัยเป๋นคนปากมาก ขี้จ่มจิ๊กๆจ๊อกๆ
เป๋นคนปากสวกน้ำใจ๋ดี วาสนาผีเข้าผีออก
ถ้าผมสีดำก๋ายเป๋นสีดอก
ฐานะก็จะดีเป๋นเศรษฐีใหญ่..
..ดนตรี...
คนเกิดวันเสาร์เป๋นคนเงียบเหงา
อารมณ์ กร่อยๆนิสัยใจ๋คอเรียบร้อย
วาสนาสดใส แต่ดวงชีวิตมีอุปสรรค
พอบุญมีนักกรรมเลยห๊ดหาย
ยามเมื่อน้อยนั้นแสนตุ๊กก๋าย
จะสุขสบายไปหน้า..
..ดนตรี...
ปี้หนานบรรยายตามคำทำนาย
เจ๊ดวันกำเนิด หากตั๊ดใด
ผิดพลั้งเผลิดปี้หนานก็ขอสูมา
ปี้หนานทำนายทายทัก
ต๊กตามดวงชะต๋า ถ้าไขหื้อถูก
ต้องตามตำฮาก็ขอเหล้ามาแถมสักขวด
แสดงสดโดย มรกต&NSSound