เพลง : เฟซบ่กล้าไลค์ ไลน์บ่กล้าแอด
ศิลปิน : เน็ค นฤพล

รู้ตัวดี บ่มีสิทธิ์เลยทุกด้าน
รู้ว่าเจ้านั้น อยู่สูงจนเอื้อมบ่ไหว
แอบฮักเจ้าไปวันๆ นอกนั้นเฮ็ดหยังบ่ได้
ยิ่งเบิ่งยิ่งไกล ฮักไปแบบความหวังบ่มี...

รู้ตัวบ่หนอ ที่อ้ายจอบเบิ่งซู่มื้อ
เจ้านั่งซือๆ ก็งามอีหยังปานนี้
อ้ายน้อยนักวาสนา ได้แค่มาส่องเฟซไอจี
บุญมีส่ำนี้ ได้ส่ำใด๋ส่ำนั้น...

เฟซกะบ่กล้าไลค์ ไลน์กะบ่กล้าแอด
ทั้งที่อยากสิแชต แต่อ้ายก็ได้แค่ฝัน
ได้แต่พิมพ์คำว่าฮักไว้ โพสต์อยู่ในใจอ้ายเท่านั้น
ย่อนนางฟ้าอยู่บนสวรรค์
ต่อให้ฮักปานใด๋แต่มัน เป็นไปบ่ได้...

เพ้อทุกยาม ติดตามเจ้าโพสต์ทุกอย่าง
เบิ่งอย่างระวัง ย่านมือสิลั่นกดไลค์
เจ้าบ่ฮู้ก็บ่เป็นหยัง ขอจอบเบิ่งพอมีแฮงใจ
ย่อนเซาบ่ได้ ฮักไปทั้งที่ย่าน...