เพลง : สู้ไปก่อนเด้อพี่น้อง
ศิลปิน : กระต่าย พรรณนิภา X เนม สุรพงศ์ X ฮันนี่ นิชาดา

(รวม)B:ทุกข์ยากส่ำใด เฮากะบ่ได้หวั่น
คอยอยู่เคียงข้างกัน เนาะ พวกเฮาชาวแรงงาน

(ต่าย)A1:เปิดเฟสบุ๊ค กะเจอแต่ข่าวโควิด
โอ่ละน้อชีวิต ต้องจดจำไทม์ไลน์
รายได้บ่มีแต่รายจ่ายมากมาย
หมุนกันจนตาลาย ทั้งงวดรถงวดรา
คึดนำแต่ทางเศรษฐกิจ
โควิดทำพิษเฮ็ดหยังกะบ่เข้าท่า
ออกไปทำงานกะบ่พ้นพื้นที่เสี่ยง
อยากกลับไปนอนฟังเสียง เขียดอิโม่ เขียดจะนา
(ฮั่นนี่)A2: คิดฮอดบ้าน คิดฮอดอิแม่ อิพ่อ
กะได้แค่วิดีโอคอล พอได้เห็นหน้าเห็นตา
นั่งอยู่ห้องเช่า กะคิดฮอดแต่ท่งนา
คิดฮอดรสชาติป่นปลา ฝีมืออิแม่
ดิ้นรนกันในยุคโควิด
ท้อกะบ่มีสิทธิ์ เอ่ยคำว่ายอมแพ้
ความจนมันแขวนคอทุกบาดหย่าง
บุไปสุเส้นทาง สิเจอะอิหยังกะแล้วแต่

(รวม)*ทุกข์ยากส่ำใด เฮากะบ่ได้หวั่น
สิคอยอยู่เคียงข้างกัน เนาะ พวกเฮาชาวแรงงาน

(ต่าย&ฮันนี่)H:เป็นกำลังใจให้พี่น้องบ้านเฮา
ลุงป้าน้าอาวกะอดเอาเด้อจ๋า
อีกบ่โดน สวรรค์เพิ่นคงเมตตา
อดสม อดสา สู้ไปก่อน เด้อ พี่น้องเฮา

(เนม)A3: เกิดมาจน ต้องดิ้นรนต่อไป
ใช้คำว่าโสตาย ต่อสู้กับโชคชะตา
เพื่อครอบครัว เพื่อคนที่อยู่ข้างหลัง
แม่นล้มจนก้นขี้ถั่ง สิสู้จนหลังชนฝา
โควิดกะบ่ได้ย้านปานใดดอก
ที่ปากบ่ออกย้อนบ่มีเงินหลายกว่า
ขอวอน เจ้านายให้เห็นใจ
อย่าฟ้าว โล๊ะไล่ หมู่ข่อยกลับคืนท้องนา

B/H