เพลง : แก้วหน้าม้า
ศิลปิน : น้ำหวาน นราทิพย์

อ้ายคงเป็นคือพระปิ่นทอง...ที่แนมน้องแค่เพียงรูปกาย
แฮงเบิ่งกะแฮงผู้ฮ่าย คั่นเลือกเกิดได้ มันกะคงสิดี
น้องบ่แม่นมณีรัตนา บ่อาจสวยทันตา ด้วยคาถาของพระฤาษี
จ้างให้อ้ายกะบ่เห็นความดี ถึงน้องสิฮักอ้ายอีหลี มันกะบ่มีค่า...

* น้องกะเป็นคือจั่งแก้วหน้าม้า รูปร่างหน้าตาบ่ดี
ความงามกะฝากไว้เกาหลี บ่ทันมีเวลาไปเอา
ผิดแค่ว่าน้องถอดหน้าม้าบ่ได้ ต้องถอดใจถอยฮักไปตำความเศร้า
เอิ้นประกันชั้นอ้ายฮักเขา มาเคลมใจเหงา ๆ เอาเข้าศูนย์ซ่อมหัวใจ

** บ่ได้สวยผุดผ่องยองใยงดงามสดใสยามอ้ายแนมมา
กะเลยบ่เคยอยู่ในสายตาไร้วาสนาได้เป็นคู่ครอง
แม้ใจฮักจริงแค่ไหนอ้ายกะบ่แลบ่แคร์บ่มอง
พระปิ่นทองในชีวิตน้องบ่มีดอกหนา...ฮ้า...ฮา...

** วรรณคดีเพิ่นว่า...แก้วหน้าม้าคู่พระปิ่นทอง
แต่อ้ายบ่ได้คู่น้อง ย่อนอ้ายมองคนที่หน้าตา
บ่มีคาถาแปลงกายให้สวยสดใส...ในรูปกายมณีรัตนา...
ต้องถอดใจถอยฮักออกมา เป็นได้แค่อีแก้วหน้าม้า
ที่บ่อยู่ในสายตา บ่มีค่าบ่งามคือเขา
(ซ˙้า *,**,***)
น้องกะเป็นแค่แก้วหน้าม้า ที่บ่อยู่ในสายตา บ่มีค่าอิหยังกับอ้าย