เพลง : ซอต๋องเดินชน
ศิลปิน : ต๋อง เดินชน

หยังมาน้อยอก
ก็หยังมาน้อยใจ๋
เกิดมาเป๋นป้อจาย
มันน้อยใจ๋เช่นเล้า

เกิดเป๋นต๋องเดินชน
มันตุ๊กใจ๋เซี่ยงข้าง
ตุ๊กบ่มีการมีงาน
ซ้ำเป๋นหนี้เป๋นสิน
ตุ๊กบ่มีเงินทองมันตึงกับ
ตุ๊กบ่มีคนฮัก ตุ๊กบ่มีแม่ญิง
ฮัมเอย เจ้าแม่เฮย
ซ้ำมีก่ากะเทย
มารุมฮักแต๊ฮักว่า

ซ้ำเกิดมาแล้ว
หยังมาตุ๊กอกหมองใจ๋
เกิดมาเป๋นป้อจาย
มันตุ๊กล้ำตุ๊กเหลือ
อ้ายต๋องเกิดมา
เป๋นป้อจายเต็มร้อย
ซ้ำตัวปี้น้อยก็ใคร่ได้ลูกเมีย
แต๊น่า อ้ายเกิดมาแล้ว
เหมือนคนมีกรรม
ใคร่ได้ลูกเมียซักกำ
ก็ย่ะจะไดดีเล่า
ใคร่ได้ลูกเมีย
ที่ตัวเปลี่ยวเดียวดาย
ตี้ว่าผัวต๋ายบ๊ายๆเจ๊าๆ

คนเด่นคนดัง
ต่างก็มีเมียนัก
เป๋นนักฮ้องก็เมียนัก
เป๋นช่างซอก็เมียหลาย
ขอเชิญชวน
มิตรเพลงหญิงชาย
บอกออกไปอ้ายสมัครคนหนึ่ง
แหมก่ะ
เหมือนอย่างอ้ายต๋อง
ใบตองนักฮ้องนำ
เปิ้นเป๋นคนมีกรรม
มิตรเพลงคงฮู้อยู่
มาซอวันนี้
เพื่อมิตรเพลงหญิงชาย
ฮื้ออยู่สบายปี้น้อง
มีตึงความตุ๊ก
ความจ๋นหม่นเศร้า
อ้ายต๋องบ่าวเฒ่า
เกิดมาเหมือนมีกรรม
กราบวิงวอน
มิตรเพลงอย่าเติมซ้ำ
อ้ายต๋องมีกรรม
ที่เกิดมาเป๋นคนจน
แต๊น่า
ขอป้อแม่น้องปี้ป้าน้าอา
โปรดเอ็นดูเมตตา
อ้ายต๋องนักฮ้องรูปหล่อ
โป๊กๆๆตี๋กะโหลกตี๋กลอง
เทปของอ้ายต๋อง
ออกมาแหมแล้ว