เพลง : ซอหัวอกผัว
ศิลปิน : บุญศรี รัตนัง

ผัวไปทำงาน
เมียอยู่ตางบ้านแบกหมอน
กิ๋นข้าวงายข้าวตอน
แอ่วหัวหางก๋างบ้าน
ก๋ารงานก็บ่เอา
เป๋นคนเอวยาวขี้คร้าน
บ่ทำก๋ารบ้านแถมด่าผัวปากดัง
ชอบโตยก่าหละอ่อน
ไปเต้นเทคดูหนัง
สอนหยังก็บ่ฟัง เสียงดังจ้อหล้อ
ถามเอามีดปาดคอเฮา ก็หลายครั้ง
ผัวไปทำงาน ปิ๊กเข้าบ้านมาหา
ปิ๊กบ้านผิดเวลา ก็มาซักไซร้ไล่ถ้อย
ปากกำใดว่าเฮามีเมียน้อย
น้ำต๋าปอจะย้อย หัวอกปอจะพัง
อยากกิ๋นข้าวแลง
เปิดหม้อแก๋งบ่มีหยัง
ด่าผัวเสียงดัง
ยังบ่กิ๋นบ้านเมียน้อย
ปี๊น้องลองกึ๊ดกอย
มันน้อยใจ๋เจ้นล้ำ
ต๋าก็บ่หัน มาใส่ร้ายป้ายสี
เฮาบ่ เกยมี จู๊เจิงเมียน้อย
ตั้งใจ๋หาเงินเหื่อไหลไครย้อย
บ่เกยมีเมียน้อย
ก็หาเรื่องใส่ความ
ผัวยืนอู้ไผ๋ ตึงบ่ถ้องบ่ถาม
จี๊หน้าด่ากำ ใต้เสื้อใต้ผ้า
กำอู้วาจ๋า ปากดัง ใจ๋ฮ้าย

อยู่กับเมีย บ่มีความสุขใจ๋
จะอยู่ไปทำไมหื้อหัวใจ๋ หมองเศร้า
ผัวตั๋วเองด่าแผ๋วเซอะแผ๋วง่าว
แล้วไผ๋ไหนเล่าจะทนอยู่ต่อไป
ปากกำใด ว่ามีเมียน้อยเมียขวาย
เสือคอกออกลาย ก็ฮื้อหันตี๊หนี้
มีละก็มีก็ฮื้อมันเป๋นตี๊แล้ว
ผัวอยู่กับเมีย ถ้ามีความสุขใจ๋
ไผ๋ตึงบ่ไป หาใหม่นอกบ้าน
เป๋นข้อเตือนใจ๋คุณผู้หญิงทุกท่าน
คุณๆแม่บ้านฟังไว้เป๋นแนว
อี่หล้ามาลูน ก็บ่าเดี่ยวมันแก๋ว
ฟังไว้เป๋นแนว คุณๆแม่บ้าน
ฮู้ตั๋วว่าหย่อนยาน
จะไปปากดังใจ๋ฮ้าย
โอละหน่อ ละเมียเฮย
โอ โห้ โอละหน่อ ละ เมีย เฮย.