เพลง : วอนฟ้า
ศิลปิน : ปอยฝ้าย มาลัยพร

ล่ะสายลมโยนโตนโพนตึง
ฮอยหวานยังตราตรึง
คิดถึงเจ้าผู้สาวซา.
คุยสองคนบนเถียงนา
หลบสายตาไทหมู่บ้าน
ในปีนั้นได้พักเซา
คำว่าข้อยมักเจ้า
เว้าค่อยๆแต่ฟังหวาน
ข้าวในนาเป็นพยาน
เว้ากล่อมกัน เอย
จนแลงคล้อย

เถียงนาน้อย
สายลมวอยฮอยความหลัง
ปลูกอยู่ข้าง
โพนหัวโอกกกกระโดน
อ้ายกับน้อง
เคยไปนั่งฟังลมโตน
เมื่อปลายฝน
คุยสองคนบนเถียงนา
.สิ้นกันยา
ฝนเริ่มซาปลาเริ่มข่อน
สายลมอ่อน
นอนแจ้งข่าวหนาวจะมา
ข้าวอุ้มท้อง
เตรียมออกรวงตามเวลา
อ้ายสบตา
กุมมือน้องมองทุ่ง งาม

ปลาในน้ำ
บ้อนสั่งหนองสระ
กะดังต้ามยามบ่าย
ปลาในน้ำ
บ้อนสั่งหนองสระ
กะดังต้ามยามบ่าย
กะโหล่งควาย
เล็มหญ้าเลาะโคก
กะดังโปกป๊กมา
เหลียวเบิ่งฟ้า
ขี้ฟ้าเปลี่ยนเวียนกาย
เป็นความหมาย
ว่าฝนสิเซา แล้ว

เสียงนกแซว
โพระดกนกแจนแวน
ร้องสั่งแฟน
จากแนวป่ามาไกลๆ
อ้ายถามน้อง
สิ้นฝนแล้วสิไปไส
เจ้าตอบอ้าย
ว่าคงไปเหมือนผ่านมา

คือทิ้งนา
ไปรับจ้างที่บางกอก
อ้ายก็บอก
ว่าคือกันนั่นแหละหนา
ก่อนกลับเฮือน
อ้ายฝากฮอยหลอยจูบลา
เจ้าต่อว่า
แต่ไม่หลบซบแก้มอิง

จริงคือเว้า
จากนั้นสองเฮา
ได้หนีไกลจากท่ง
จริงคือเว้า
จากนั้นสองเฮา
ได้หนีไกลจากท่ง
จุดประสงค์ได้เงินต่าวบ้าน
แต่งานนั้นบ่ว่านำ
แนวเว้าย้ำว่าสิอ่วยมาหา
งอยเถียงนาบ่อนที่สัญญาไว้
กะเลยได้เพียงฝันลอยล่อง
งานจ่องอ้ายจ่องน้อง
ให้จำต้องอยู่ทน

ถึงยามฝนสั่งฟ้าน้ำตาซึม
ย่านน้องลืม
คำเว้าเฮาสัญญา
ฝากลมโยน
ถามใจคนบนเถียงนา
ฮอยจูบลา
มีใครลบขบหรือ ยัง.

ความหวังในใจของอ้าย
ความหวังในใจของอ้าย
ว่างยามได๋สิกลับทุ่งนาเก่า
โทรนัดกันไปนั่งเคียงข้างเจ้า
ออยเว้าดั่งผ่านมา
อยู่เถียงนาเมื่อฟ้าคลายหม่น
คุยสองคนทบทวนอดีต
ฮืออ้ายหมดสิทธิ์แล้วบ้อน้อง
ฮืออ้ายหมดสิทธิ์
แล้วบ้อ น้อง