เพลง : คนหูเบา
ศิลปิน : ไพศาล ปัญโญ

คน หยังมาหูเบา
เจอกำเปิ้นเป่า
เจื้อได้เจื้อดี
คน หยังมามักฝัน
กึ๊ดเบาเอาสั้น
ใจง่ายอย่างนี้
เปิ้นหลอกปาไปขาย
ก็หนีไปตวยนั้น
เป็นหมูสามจั้น
นึกว่าจะได้ดี
อยากไปทำงาน
เปิ้นปลุกปั้นป้อยอ
ไผจะฮับฮองหนอ
ความฮู้ก็บ่ไจ้มี

คน หยังมาหูเบา
เจอกำเปิ้นเป่า
เจื้อได้เจื้อดี
กึ๊ด อยากมีเงินหลาย
ใคร่เป็นคุณนาย
แต่งตัวโสภี
อยากจะมีรถเก๋ง
นั่งฮ้องเพลงสุขสันต์
มีแอร์คอนดิชั่น
แล้วนอนผ่อทีวี
สาวเอยความฝัน
มันบ่เหมือนแต่แรก
หากความหวังพังแหลก
จะนั่งให้แตก กลางสะลี
คน หยังมาหูเบา
เจอกำเปิ้นเป่า
เจื้อได้เจื้อดี
เมิน บ่นานเลยหนา
หอบลูกกลับมา
ได้กำไฮฟรีๆ
ป้อแม่ถามถึง
ว่าผัวมึงอยู่ไหน
ลูกมึงเป็นคนไทย
จะใดผมแดงซีลี
คิ้วตางอนง้ง
ดั้งสันโด่งหนอนั่น
อีน้อยอีเก่งเหมือนกัน
ไปหาพันธุ์มาจ๊าดดี

คน หยังมาหูเบา
เจอกำเปิ้นเป่า
เจื้อได้เจื้อดี
กลับ ถึงบ้านซวยหลาย
บ่ใคร่สบาย
เลยผอมลงทุกที
กินอาหารบ่เลือก
กินควายเผือกน้ำปู๋
พยาธิบ่สู้
แล้วนอนครางอี๋ๆ
กินยาอันใด
ก็บ่หายเลยหนอ
หมอบอกโรคนี้บ่
มันชอบติดต่อสามี

คน หยังมาหูเบา
เจอกำเปิ้นเป่า
เจื้อได้เจื้อดี
กลับ ถึงบ้านซวยหลาย
บ่ใคร่สบาย
เลยผอมลงทุกที
กินอาหารบ่เลือก
กินควายเผือกน้ำปู๋
พยาธิบ่สู้
แล้วนอนครางอี๋ๆ
กินยาอันใด
ก็บ่หายเลยหนอ
หมอบอกโรคนี้บ่
มันชอบติดต่อสามี