เพลง : สาวแก้มเปื้อนเหงื่อ
ศิลปิน : ภู ศรีวิไล

มีไผบอกล่ะยังน้อง
ว่าเจ้าสวยน่ามอง
เป็นตาจ้อง เป็นตาฮัก
ถึงสิเฮ็ดงานหนัก
เหงื่อสิไหลอาบแก้ม
อ้ายแนมแล้วใจคึดนำ
อื่อ อื้อ อื่อ

สองแก้มเปื้อนเหงื่อ
แต่เจ้ายังเหลือ
ความสวยให้มอง
บ่แต่งแก้มเจ้ายังผ่อง
มีไผบอกน้องแบบนี้หรือยัง
ถึงสิทำงานหนัก
แต่ความน่าฮักเจ้าบ่เคยจาง
เฮ็ดให้คนหัวใจว่าง
คืออ้ายเทียวทาง
มาหลอยเบิ่งตา
แบกงานบนบ่า
แบกภาระทางบ้านในใจ
แปลงเหงื่อให้เป็นรายได้
ปรับหัวใจให้ชินปัญหา
นั่นคือความงามยิ่งใหญ่
สวยจากข้างในใจอ้ายศรัทธา
งานหนักกองสุมตรงหน้า
แต่แววตาน้องยังมีแววหวาน
แก้มงามใส
เหงื่อที่ไหลบังไว้บ่อยู่
แฮ่งเห็นแล้วอ้ายแฮ่งฮู้
อยากมาอยู่ใกล้ใกล้ทุกวัน
แต่ย่านมีคนมาก่อน
ย่านถืกค้อนหากมองนานนาน
ฮักเจ้าเด้อผู้สาวสู้งาน
ส่งแรงใจผ่านสะพานสายตา
สาวแก้มเปื้อนเหงื่อ
หากเจ้ายังเหลือน้ำใจให้กัน
อย่าให้อ้ายเป็นทางผ่าน
หลูโตนกันแหน่เด้อกานดา
ฝากตัวเป็นคนฮู้จัก
บ่ถึงกับฮักก็ได้ดอกหนา
คบอ้ายไว้ต่างผ้าเช็ดหน้า
ยามเหงื่อเข้าตา
ค่อยเอิ้นอ้ายมาซับใจ

สาวแก้มเปื้อนเหงื่อ
หากเจ้ายังเหลือน้ำใจให้กัน
อย่าให้อ้ายเป็นทางผ่าน
หลูโตนกันแหน่เด้อกานดา
ฝากตัวเป็นคนฮู้จัก
บ่ถึงกับฮักก็ได้ดอกหนา
คบอ้ายไว้ต่างผ้าเช็ดหน้า
ยามเหงื่อเข้าตา
ค่อยเอิ้นอ้ายมาซับใจ