เพลง : นาฬิการวงข้าว
ศิลปิน : มด อุบลมณี

ข้าวออกรวง
เต็มทุ่งแล้วเด้ออ้าย
ลมหนาวพัดใจผู้สาวอ้ายจ่มหา
ส่งสายตาเหงา
เบิ่งทุ่งนาข้าวคอยท่า
รวงข้าวแทนนาฬิกา
บอกเวลานัดใจ
เฝ้าห่วงใยคนไกลที่อยู่ทางนั้น
บ่เห็นกันนาน
ก็อดคึดย่านบ่ไหว
เชื่อในคำฮักแท้เด้จำทนรอได้
แต่อ้ายสิเป็นจั่งใด๋
เมื่ออยู่ไกลบ้านเฮา
สะนูว่าว
หยอกลมหนาวดัง ดือ ดื๊อ ดือ
พ่อใหญ่เร่งมือ
จั๊กตอกไม้ไผ่ไว้มัดฟ่อนข้าว
หอมผักอีตู่ใส่อู๋ปลาซิว
จากเฮือนน้าสาว
คึดฮอดมื้อไขห่อข้าว
กินกับอ้ายอยู่บนเถียงนา
ฟ้าวกลับมาเด้ออ้าย
ถ้ายามใด๋ว่าง
ใจสาวนี้ยังถนอนคิงไว้อยู่หนา
เห็นข้าวโดนเคียว
เกี่ยวหัวใจคนคอยท่า
มันคล้ายเข็มนาฬิกา
บอกหมดเวลารอคอย

สะนูว่าว
หยอกลมหนาวดัง ดือ ดื๊อ ดือ
พ่อใหญ่เร่งมือ
จั๊กตอกไม้ไผ่ไว้มัดฟ่อนข้าว
หอมผักอีตู่ใส่อู๋ปลาซิว
จากเฮือนน้าสาว
คึดฮอดมื้อไขห่อข้าว
กินกับอ้ายอยู่บนเถียงนา
ฟ้าวกลับมาเด้ออ้าย
ถ้ายามใด๋ว่าง
ใจสาวนี้ยังถนอนคิงไว้อยู่หนา
เห็นข้าวโดนเคียว
เกี่ยวหัวใจคนคอยท่า
มันคล้ายเข็มนาฬิกา
บอกหมดเวลารอคอย