เพลง : สะหระแอด
ศิลปิน : ร๊อคแสลง

สาวซำน้อย เพิ่นสิไปเที่ยวงาน
นุ่งซ่งขาบาน เสื้อยืดอย่างดี
หน้าบ่ขาว กะเอาแป้งมาโป๊ะ
หน้าบ่ขาว กะเอาแป้งมาโป๊ะ
ปากบ่งาม กะเอาลิดมาแลด
โอ๊ย เทิงว่าทาฮอด
ขา หละคันนี่

ฮอดหม่องงาน เพิ่นกะไปเบิ่งหนัง
เทิงท้าวเทิงฟัง หนังกำลังดี
เห็นกอหญ้าตาย คาดลาดลงนั่ง
เห็นกอหญ้าตาย คาดลาดลงนั่ง
กอหญ้ามันยัง หน่ออยู่แคดแลด
หญ้ากะเลยทั่ง
ขา หละคัน นี่

เบิ่งหนังไป ละปวดเหยียวจ้าวๆ
นางเลยแล่นฟ้าว เข้าป่าทันที
อันป่านั้น เป็นป่าตำแย
อันป่านั้น เป็นป่าตำแย
คันคักคันแท้ เกาอยู่แค่กๆ
โอ๊ย มันคันฮอด
ขา หละคันนี่

เบิ่งหนังไป หาละเกาอยู่แค่ๆ
พวกผู้บ่าวเลยแปร หยังน้อสาวนี่
เข้าไปถาม สาวเกาหยังน้อ
เข้าไปถาม สาวเกาหยังน้อ
นางเอียงอายคอ
ตอบกะปอดกะแปด
ว่าอีนางเกา
ขา หละคุณพี่
พอหายคัน อยากกินตำบักหุ่ง
อีนางเลยมุ่ง ไปซื้อทันที
แม่ค้าตำไป ตาคาเบิ่งหนัง
แม่ค้าตำไป ตาคาเบิ่งหนัง
บ่ได้ระวัง สากเลยมืนแคดแลด
หลุดมาตำเอา
ขา หละพอดี

ทนบ่ไหว ละกลับบ้านลาก่อน
หลบไปเมือนอน เสียแล้วคืนนี้
ทายาหม่อง สองกล่องบ่หาย
ทายาหม่อง สองกล่องบ่หาย
มันฮ้อนปานไฟ ใหม้เสียลามแลด
เปิดพัดลมทั่ง
ขา คงจะดี