เพลง : ห่วงสาวเสื้อฮัด
ศิลปิน : ศร สินชัย

(เกริ่น).เห็นสาวใส่เสื้อจ้อน
ทั้งสะออนและเป็นห่วง
ไผแนมเห็นกะท้วง
ว่าเสื้อเจ้าดอกฮัดหลาย
ฮิตกันฮ้ายโดยเฉพาะนักศึกษา
อ้ายคึดนำสายตา
ผู้เพิ่นเห็น สิเป็นต้อ
ซื้อมาผิดเบอร์บ้อ
หรือหลอยเสื้อน้องใส่
เจตนาใส่ไว้ได้โชว์ร่างอวดห่างคิง
ฮัดอิ้งติ้งอ้ายเป็นห่วงสุดๆ
ยามมีลมหัวกุดกะติ่งหลุด
สาน้อน้อง

ห่วงเจ้า ผู้สาวเสื้อฮัด
บ่ย่านหน้าอกอึดอัด
ซั่นบ่น้อนาง
เจาะจงให้เห็นทรงเห็นหุ่น
นักศึกษาวัยรุ่น
เจ้าประคุณฮัดจัง
อ้ายบ่ชัวร์ยามเจ้าหัวเราะดัง
ย่านกระดุมเสื้อนาง
หลุดกระเด็นเข้าตา
กรุณาใส่กระดุมดีดี
อย่าให้มี แอคซิเด็นท์เด้อหล้า
สิก้มสิเงยกะให้เจ้าเฮ็ดค่อยๆ
เดี๋ยวเสื้อน้อยๆ
สิส่งฮอยยิ้มมา
ย่านบ่าวขี้ดื้อ
เขาหลอยสอดสายตา
ตัดเสื้อเทื่อหน้า
อย่าประหยัดผ้าหลายเด้อ
ให้เซ็นเซอร์เสื้อเจ้าของอีกหน่อย
ผ้าน้อยๆ ฮัดร่าง
จิ๊กโก๋ตั้งท่ามอง
เป็นห่วงน้อง
ย่านเปิดป่องให้เขาเห็น
จุดประเด็นซูนใจ
สิคิดไปในทางมั่ว
แต่งตัวดีดีเด้อนาง
ฮัดๆบางๆ ลดบ้างก็ได้
ย่านซุมผู้บ่าวนักศึกษา
เห็นเสื้อกานดาสิเรียนบ่เข้าใจ
ย่านผู้บ่าวไทบ้านคืออ้าย
เผลอขับรถไถ
สะแหลกลงข้างทาง
เว้าสู่ฟังน้องนางเจ้าอย่างอน
หุ่นน่าออนซอน
อ้ายยิ่งเป็นห่วงนาง
บ่ห่วงเจ้าของกะห่วงคนมองบ้าง
บ่ฮู้สิวางสายตาไว้หม่องใด๋
เก็บเงินไว้ซื้อผ้าเสริมอีกแหน่
ขอเงินแม่บ่ได้ ตัวอ้ายสิตื่มนำ
บ่กล้าห้าม แต่เป็นห่วงบัวตูม
เสื้อฮัดคุมดนหลาย
สิยุบหาย เบิดเด้น้อง