เพลง : อีสานยิ้ม
ศิลปิน : ต้าร์ ตจว, เฟม ทรีมิวสิค, กลุ่มนักร้อง Tree Music

ยังจำยังจื่อ
ยึดถือเป็นแรงเติมใจ
ขบวนรถไฟท่านเสด็จ
มาเยี่ยมชาวอีสาน

บ่ว่าบ้านใด๋หรือตำบลใด๋
ท่านบ่ทรงย่าน
พื้นดินคือห้องทรงงาน
เพื่อเฮาชาวบ้านได้สุขสบาย

สองพฤศจิกา
เสด็จมาอีสานเทื่อแรก
สองสี่เก้าแปด
ยังจารึกเรื่องราวท่านไว้

สองมือเหี่ยวย่น
ทูนดอกบัวแห้งขึ้นหัวถวาย
ทรงโน้มพระวรกาย
ฮับดอกบัวยาย บ่ลืมภาพเก่า

อีสานแล้ง
ทุ่งกุลายังเคยฮ้องไห้
อึดยากสิตาย
ขี้กะปอมยังจ่อยคึดเอา

ทรงเปลี่ยนอีสาน
ด้วยน้ำพระทัยห่วงใยทุกคราว
ดั่งสายธารไหลผ่านบ้านเฮา
เปลี่ยนนาห้างเฉามีข้าวออกฮวง

จากทุ่งกุลาฮ้องไห้กะเป็นยิ้มได้
ฝนหลวงจากน้ำพระทัย
หล่นมาทาบทาพื้นดิน

ฝนเย็นจ้อยๆ
ผู้ใหญ่เด็กน้อยมีน้ำใช้น้ำกิน
มีน้ำเฮ็ดเกษตรทำกิน
อีสานบ่สิ้น ฮักหลายในหลวง

ทรงสร้างศูนย์ศึกษาพัฒนาภูพาน
ให้มารักกันจากอุดมการณ์ขัดแย้ง
ฝืนป่าอีสานจากที่เคยแห้งแล้ง
ทรงสร้างแหล่งน้ำชโลมป่า
อ่างเก็บน้ำห้วยตาดไฮใหญ่
รินสู่ฝายไหลเย็นเรื่อยมา
มูลนิธิชัยพัฒนา
เพื่อชาวประชาอยู่ดีกินดี
หลายสิบปีผ่าน อีสานเป็นสีเขียว
มีป่ามีนาข้าวเหนียว
มีเขื่อนหลวงมากมี

ยึดถือพอเพียง
เฮาสิเฮ็ดไปตามวิถี
ตอบแทนองค์ภูมี
สิเฮ็ดความดีให้พ่ออุ่นใจ

ยึดถือพอเพียง
เฮาสิเฮ็ดไปตามวิถี
ตอบแทนองค์ภูมี
ฮักสามัคคีให้พ่ออุ่นใจ