เพลง : แม่เจ้าเขาตายแล้ว
ศิลปิน : วิเชียร ซำเหมา ท็อปไลน์

ฮักกันมาหลายปี เป็นสามีภรรยา
มีลูกนำกันแล้วหนา เจ้ายังมาเปลี่ยนใจ
บอกอ้ายว่าไปเฮ็ดงาน ป่านนี้ยังบ่เห็นฮอดไง
ลูกถามว่าอิแม่ไปไส ได้แต่ตอบลูกว่า....

แม่ของเจ้าตายแล้ว ตั้งแต่เจ้ายังน้อย
ได้แต่ปลอบแต่อ่อย ลูกยังคอยถามหา
หอบฝันดั้นด้นมาไกล ในเมืองใหญ่ย้อนใจคิดว่า
เผื่อสิได้พ้อหน้า คนถิ่มลูกถิ่มผัว

*มาเป็นคนขับแท็กซี่ อยู่ใน(ที่) กทม.
เจ็บปวดซ้ำตื่มอีกหนอ เมื่อคนที่รอโบกรถไวไว
เป็นเมียอ้ายนั่นเอง ที่ยืนควงแขนแฟนใหม่
ไปลงรีสอร์ทเด้ออ้าย คิดในใจสิกอดกันแม่นบ่...

ส่งเจ้าถึงที่หมาย แต่อ้ายน้ำตาคลอเบ้า
ขับรถกลับคืนห้องเช่า ลูกสาวคอยตั้งตารอ
ลูกถามอิแม่ไปไส น้ำตาตกในฮู้บ่
ตอบได้คำเดียวละเนาะ แม่เจ้า...เขาตายไปแล้ว

(ซ้ำ *)