เพลง : โทรหาแนเด้อ feat. ต่าย อรทัย
ศิลปิน : ไผ่ พงศธร

โทรหาแนเด้อ จำเบอร์โทรอ้ายได้บ่
อ้ายสิเฝ้ารอ เจ้าโทรหาเวลาเลิกงาน
มีเรื่องเว้านำ อยากคุยสองคนเท่านั้น
วันก่อนที่เราพบกัน คนหลายอ้ายเว้าบ่ได้

เชื่อใจแท้เด้ จึงเทใจคบเรื่อยมา
เป็นคู่ปรึกษา คอยปรับทุกข์เวลาวุ่นใจ
ให้ฮู้ไว้เด้อ เจ้าคือหนึ่งเดียวของอ้าย
ถึงตัวทำงานห่างไกล แต่ใจฮักตามเป็นเงา

เบอร์เก่าเวลาเดิม ช่วยเติมเสียงให้ได้ยิน
เป็นวิตามิน สร้างภูมิคุ้มกันความเหงา
บ่ได้ฟังเสียง คือจั่งบ่ได้กินข้าว
คึดฮอดบวกกับความเหงา นั่งเฝ้ามือถือคือบ้า

โทรหาแนเด้อ กดเบอร์ที่ใจเฝ้าจำ
มีผู้อยู่นำ ย้านเจ้าทำเป็นลืมเวลา
มีเรื่องอยากถาม เก็บไว้นานย่านใจอ่อนล้า
เอาไว้บาดเจ้าโทรหา ค่อยปรึกษากันสองคน

(ต่าย)
ถึงตัวสิห่างกันแสนไกล
ก็ยังฝากหัวใจ ไว้กับฮักของเฮานั่น
บ่เคยคิดสิมีใหม่ บ่ให้อ้ายต้องคิดหวั่น
ว่างจากงานแล้วสิรีบโทรหา โอ...เด้ออ้ายเอย

(ต่าย &ไผ่)
ถึงเราสิห่างกันแสนไกล
ก็ยังฝากหัวใจ ไว้กับฮักของเฮานั่น
บ่เคยคิดสิมีใหม่ บ่ให้ไผต้องคิดหวั่น
ว่างจากงานแล้วสิรีบโทรหา โอ... โอ... นัดมื้อ...พ้อกัน