เพลง : อ้ายกลับบ่ได้
ศิลปิน : หลี่ถัง ชลที

A...กลับไปแบบได๋ สิให้อ้ายกลับไปแบบได๋
เคยเว้าจังได๋กับอ้าย เจ้าจำบ่ได้ละบ่น้อนาง
กระจอกคืออ้าย คันคบต่อไปไร้วาสนา
จำได้บ่เจ้าเว้าหยังออกมา ก่อนสิจากลาอ้ายไปกับเขา…

B...มาฮอดวันนี้ เจ้ากะมีน้ำตามาอ้าง
บอกว่าคนที่เคยร่วมทาง เขาถิ่มเขาขว้างบ่สนใจเจ้า
น้องทนบ่ได้ เลยต้องแยกทางบ่อยู่นำเขา
เพื่อกลับไปหาอ้ายคนแฟนเก่า อยากให้ฮักเฮากลับมาเหมือนเดิม…

H…เช็ดน้ำตาสา ที่แล้วมามันเป็นอดีต
โตอ้ายกะบ่เคยคิด บ่เคยเคียดซังหยังให้เจ้า
แต่ว่าตอนนี้ อ้ายมีแฟนใหม่และอ้ายฮักเขา
ฮักหลายแพงหลายกว่าเจ้า สิให้ถิ่มเขากะคงบ่ได้..

C…ลืมอ้ายเถิดหนา ที่ผ่านมาถือว่าหลับฝัน
อดีตเฮาเคยฮักกัน แต่ปัจจุบันมันเปลี่ยนไปแล้ว
อ้ายมีแฟนใหม่ ทั้งกายทั้งใจให้เขาหมดแล้ว
เขาฮักอ้ายแพงปานดวงแก้ว เรื่องเฮาจบแล้ว..เจ้ากลับไปสา….