เพลง : เสียพี่ที่สีฐาน
ศิลปิน : ลำน้ำ นพมาศ

เพ็งเดือนสิบสอง อ้ายให้น้องคองอยู่บึงสีฐาน
บอกว่าให้ถ่าสิมาพบกัน คำเว้าอ้ายหวานสะท้านหัวใจ
ตกมาปีนี้คือไปมิดมี่แท้น้อพี่ชาย
น้องถือกระทงยืนงงเดียวดาย
หัวใจสลายเมื่ออ้ายบ่มา

มอดินแดงแห่งนี้ศรีเมืองขอนแก่น
บุญพาได้เจอแฟนอยู่ดินแดนเสียงแคนดอกคูน
สายแนนนำพาวาสนามาเจอพ่อคุณ
หรือบุญปางใด๋ค้ำจุน ให้หัวใจวุ่นย้อนบ่าวมข.

อ้ายบอกให้รอ สิมาพ้อมื่อลอยกระทง
น้องก็ยังมั่นคง นั่งทำกระทงถ่าอ้ายล้องล่อง
ฮอดบุญสีฐาน อลังกาลแนวงันฉลอง
หัวใจหม่นหมอง เห็นอ้ายคล้องแขนเดินกับสาว

มายืนเศร้าเห็นเขาเดินมาหน้าตาสดชื่น
มายืนเศร้าเห็นเขาเดินมาหน้าตาสดชื่น
ควงกันระรื่น โอ๊ยคืนนี้คักหลาย
ซ่างเป็นฮ้ายแท้บ่าวมข.
ตั๋วมารอบ่พอน้ออ้าย
โอ๊ยน้อชายใจร้ายเอานี่
พออยากลักลี้ไปหนีไห้ฝ่ายเดียว

เหลียวมองอ้ายยืนจ้องตาเขา
เลือกกระทงหยอกเย้าผู้บ่าวผู้สาวเข้ากันดูดี
น้องอยากลี้หนีไปหอกาญ เห็นแล้วทรมานหัวใจทุกที
หลาบแล้วเด้อมักคนหน้าตาดี
ย้อนอาถรรพ์บึงสีหรืออ้ายนี้ตั้งใจมาตั๋ว

ฟังเสียงล่ะลมโหมมาต้อง
ฟังเสียงล่ะลมโหมมาต้อง
ยืนเหลียวมองไห้ฮ้องฮอนฮ่ำ
อ้ายซ่างมาพาใจให้ช้ำ
ทำหวังน้องให้ล่องลอย
หลอกให้คอยแล้วมาหลอยไปซ้ำ
พ้อสาวงามเลยลืมน้องเลยบ้อ
ผู้ชายมข. มักเขาซ้ำ