เพลง : บ่เป็นหยังอ้ายยังบ่ตาย
ศิลปิน : เต้ย อธิบดินทร์

ซ่างเฮ็ดอ้ายได้ พ้อคนใหม่หนีไปอาดหลาด
ผู้บ่าวบ้านได๋บังอาจ มาแย่งดวงใจของเจ้าไปครอง
เจ็บปวดอิหลี กะก่อนหน้านี่อ้ายเป็นเจ้าของ
ดวงใจของเธอเขาจอง ส่วนตัวอ้ายได้เพียงน้ำตา

บุญวาสนา อ้ายคงมาบ่ถึง
บ่ทันที่จะฉุดดึง หัวใจเจ้าไว้ให้อยู่
เจ็บปวดแฮงหลาย กินข้าวบ่ได้บ่เป็นตาอยู่
อยากให้เจ้ารับรู้ ว่าใจอ้ายทรมาร

* ไห่นำเจ้า อ้ายกินแต่เหล้าเมาแล้วบ่ส่วง
คนเขาจนท้วง ว่าป่วงบ้าคักหลาย
สิให้อ้าย ให้อ้าย ให้อ้ายน้อละเฮ็ดแนวได๋
คนในใจ บ่มีไผแทนน้อละแม่นโตเจ้า
อุกอั่งเอ้าอยู่ในหัวใจ
อุกอั่งเอ้าอยู่ในหัวใจ
ถึงลืมเจ้าบ่ได้ แต่โตอ้ายบ่ขีน

** ไปนำเขาสาหล่า อย่าหัวซาเมื่อเจ้าเลือกแทงข้างหลัง
บ่ต้องเอ่ยเหตุผล อ้ายบ่อยากฟัง
ให้เจ้าเดินก้าวหย่าง เคียงข้างกับเขาไป
เจ็บปวดส่ำได๋ อ้ายสิจำทนฝืน
ถึงต้องยืนกล้ำกลืน หยดน้ำตาเพียงลำพัง
ให้ลืมอ้ายสา ถือว่าฮักเฮาเป็นความหลัง
น้ำตาอ้ายพัง บ่เป็นหยังอ้ายยังบ่ตาย

( * , ** )

ให้ลืมอ้ายสา ถือว่าฮักเฮาเป็นความหลัง
น้ำตาอ้ายพัง บ่เป็นหยังอ้ายยังบ่ตาย

ขอบพระคุณ
มหาโจรโปรดักชั่น
ช่างสิทธิ์ แทททู
ครูติงลี่ ยุทธศักดิ์
สวนสองภู